CRTVG

Buscar

Escolares gravan en Navantia a ritmo de muiñeira un vídeo para as Letras Galegas

Publicado o 10/05/2019 21:04

Nas instalacións de Navantia Ferrol celebraron por adiantado o día das Letras Galegas. Unha megaclase de baile tradicional: 660 alumnos de 22 colexios de Ferrol, cos seus respectivos mestres e un grupo de operarios de Navantia converteron esta mañá unha nave do estaleiro nun mar de muiñeira. Fixérono ao son da peza Ei, os de Sergude!, interpretada pola Banda das Crechas.

O obxectivo era gravar un vídeo para YouTube. A actividade foi organizada co gallo do Día das Letras Galegas, por iso vai ser precisamente o 17 de maio cando o colguen en YouTube.

A idea xurdiu no Centro de Formación e Recursos do profesorado desta comarca como unha maneira de facer que a danza tradicional forme parte dos contidos escolares.



 

Envía o teu comentario!
Para poder comentar esta entrada debes estar rexistrado.
Introduce o teu usuario e contrasinal aquí

Noticias web

10/05/2019