CRTVG

Buscar

ERC segue no "non" a Sánchez porque mantén "vía represiva" para Cataluña

Publicado o 14/11/2019 09:33

ERC mantense no "non" á eventual investidura de Pedro Sánchez como presidente do Goberno porque durante a reunión deste martes entre a portavoz socialista, Adriana Lastra, e o portavoz republicano, Gabriel Rufián, "non houbo indicio algún" de que o PSOE "vaia a abandonar a vía represiva" para Cataluña.

Así consta no comunicado de prensa que a formación independentista enviou aos medios unha vez terminada a reunión de menos dunha hora entre Lastra e Rufián, que tivo lugar no Congreso dos Deputados.

Di ERC que si coincidiron co PSOE en que siga habendo contactos entre ambos.

Bildu súmase á reclamación dos soberanisas cataláns, e o seu apoio faise aínda máis necesario tras perder un escano o PNV en prol do PP. Otegi pide, ademais, unidade entre todas as forzas soberanistas do Estado.

Tamén a CUP reclama unha posición común, pero para votar en contra da investidura.

Ademais dos nacionalistas, o PSOE precisa pechar acordos con outros partidos minoritarios. Esta tarde reuniranse co deputado de Teruel Existe.

Envía o teu comentario!
Para poder comentar esta entrada debes estar rexistrado.
Introduce o teu usuario e contrasinal aquí

Noticias web

14/11/2019