O estado esvaradío das estradas por mor da chuvia está provocando un regueiro de accidentes coma o que se produciu esta mañá en Arzúa, na estrada Nacional 547. Dous turismos colidiron por causas que se investigan e acabaron envorcando os dous nunha gavia. Por sorte, os dous condutores e únicos ocupantes dos vehículos puideron saír polo seu pé e sen danos.

Ata o lugar desprazáronse os bombeiros de Arzúa, pero só interviñeron para escachar o cristal dun dos coches e facilitar a saída da condutora.