CRTVG

Buscar

Envorca un camión cargado de conxelados sen causar feridos graves en Valga

Publicado o 20/05/2019 13:57

Continúan en Valga os traballos para retirar un camión de gran tonelaxe que esta noite envorcou na nacional 550, ao caer por un desnivel duns tres metros. Foi o propio condutor o que avisou os servizos de urxencias.

Desde as primeiras horas do día, e durante parte da noite, efectivos dos bombeiros de Vilagarcía e de Protección Civil de Valga traballan na zona do accidente. Tamén se desprazaron ata alí operarios da empresa para retirar a carga do camión, que viaxaba desde O Porriño á Coruña. O seguinte paso, será a retirada do vehículo cun guindastre, que xa está na zona. O camión saíu da vía e envorcou sobre unha leira, ao caer por un desnivel dun tres metros. O camioneiro foi o que avisou o 112, contra as tres e media da mañá. Sacárono por unha ventá, tras romper o cristal.

 "Despois viñeron bombeiros do Consorcio de Pontevedra, da subsede de Vilagarcía, e coa axuda deles, e dos camioneiros que estaban parados, demos sacado o chófer. Veu o 061 de Padrón, os médicos do PAC de Valga, e foi trasladado ao Clínico", explica Eduardo Rodríguez Bouzón, do GES de Valga 

E estoutro accidente ocorreu tamén na nacional 550, unhas horas máis tarde, ás oito e media. O turismo saíu da vía e envorcou. A condutora, afortunadamente, saíu polo seu propio pé.

 

 

 

Envía o teu comentario!
Para poder comentar esta entrada debes estar rexistrado.
Introduce o teu usuario e contrasinal aquí

Noticias web

20/05/2019