CRTVG

Buscar

Entrega dos Premios Agader ás iniciativas de desenvolvemento rural

Publicado o 21/06/2019 15:27

Os galardoados cos Premios Agader recolleron os seus recoñecementos nunha cerimonia que se celebrou esta mañá en Boqueixón. Os oito proxectos premiados destacan pola súa importante achega ao desenvolvemento o rural.

O acto de entrega dos Premios Agader reuniu os representantes das oito iniciativas galardoadas pola súa especial contribución ao desenvolvemento rural. O presidente da Xunta entregou o premios a Corazón de Orballo -granxa escola musical-, á Fundación Eduardo Pondal, ao Xeoparque Courel, a SAT A Pementeira, a Gráficas Salnés, a Polyesteres Bidasoa -pola incorporación de mulleres do rural á industria-, a Amarelante -pola loita contra o abandono e a prol da mobilidade de terras agrarias- e ao programa de apoio integral familiar da Asociación Carabelo. Todos celebraron este recoñecemento. Khouloud. Asociación Carabelo: "Moitas grazas por este premio en nome de todos os nenos e nenas de Carabelo. En Carabelo non existe a desigualdade, non nos gusta. Alí todos somos iguais. Grazas por axudarnos a loitar polos nosos dereitos"

O presidente da Xunta felicitou os premiados e salientou a importancia do rural no desenvolvemento do país. Alberto Núñez Feijóo- Presidente da Xunta de Galicia: "Cos números na man e desde o punto de vista produtivo, nunca tanto leite, tanta carne, madeira, viño produciu Galicia. E a potencialidade do sector agrogandeiro en Galicia non está máis ca comenzando"

Cada unha das iniciativas premiadas recibirá 10.000 euros que deberá reinvestir no proxecto galardoado.
 

Envía o teu comentario!
Para poder comentar esta entrada debes estar rexistrado.
Introduce o teu usuario e contrasinal aquí

Noticias web

21/06/2019