O veciño de Silleda Carlos Ares foi achado morto preto da súa casa na Bandeira este sábado á tarde. O corpo, que non tiña signos de violencia, encontrouno un tractorista nun camiño preto da casa familiar do falecido, na Casela. Carlos, de 48 anos de idade, estaba a ser buscado desde o día 24 en que non volveu onda súa nai con quen convivía. Os primeiros indicios apuntan a que puido sufrir un infarto, pero serán as análises forenses as que aclaren a causa do falecemento.