Axentes de policía percorren o centro de Ourense controlando que se cumpran as restricións impostas polas autoridades sanitarias.

O ambiente chuvioso deixa as terrazas medio baleiras. Hoxe aquí non poden sentar máis de cinco persoas xuntas, a non ser que sexan conviventes.

Resignación nas rúas de Ourense, onde se incrementaron as tarefas de deinfección. Pero os contaxios non dan tregua. Nas últimas horas rexistráronse 67 positivos novos.

Fan un chamamento á concienciación de todos para intentar frear o número de contaxios.

Neste momento en Ourense hai 74 pacientes hospitalizados por covid−19, nove deles na UCI. Estas cifras devólvennos ao mes de abril.