A dirección de En Marea e o sector crítico continúan sen poñerse de acordo para concorrer nunha lista única ás eleccións xerais. Os de Villares seguen adiante coas súas propias primarias e mañá anunciarán os candidatos. 

Esta medianoite remata o prazo para presentarse ás primarias que organiza En Marea de cara ás vindeiras eleccións. No caso das europeas, Lidia Senra aspira a repetir candidatura.

No caso das xerais, polo momento, ninguén amosou en público a súa vontade de concorrer, nin sequera os cinco deputados que a formación ten agora no Congreso. En Marea convocou estas primarias sen contar co apoio de Podemos e Esquerda Unida. Villares failles un último chamamento.

Chamamento tamén por parte do alcalde da Coruña. En Marea anunciará mañá os seus candidatos, que despois serán votados pola militancia.