Os dous detidos na operación antidroga desenvolvida en Pontevedra nos últimos días quedaron en liberdade provisional. A titular do Xulgado de Instrución número 1 da capital do Lérez non considerou que os máis de dez quilos de haxix e heroína comisados xustificasen a súa entrada preventiva en prisión. A operación segue aberta de maneira conxunta pola Policía Local, a Nacional e a Garda Civil.