A Toxa é arestora o epicentro dos negocios e o emprendemento en Galicia. Empresarios, investidores e emprendedores danse cita para establecer sinerxías e impulsar a economía galega.

Galicia ten talento e ten capital. Xuntar ambos para conseguir proxectos empresariais de éxito é o obxectivo deste foro.

Unha das empresas veteranas que participa neste foro é Hijos de Rivera. A compañía quere transmitir a súa receita do éxito aos novos emprendedores. E nela Galicia está moi presente.

A traxectoria de Ignacio Rivera vai ser recoñecida no transcurso do foro, xa que se lle entregará o premio ao mellor empresario galego en Galicia. O galardón ao mellor empresario galego en América recibirao Olegario Vázquez Raña.