Empresarias de Redondela mantiveron hoxe un encontro para poñer en común as dificultades engadidas que afrontan por ser mulleres. No almorzo púxose de manifesto a fenda aínda existente no control financeiro dos negocios.

Emprendemento, conciliación e decisións financeiras centraron o debate celebrado esta mañá en Redondela en que varias mulleres contaron a súa experiencia como empresarias e as dificultades engadidas ás que teñen que enfrontarse por ser mulleres. A falta de control sobre as finanzas é precisamente unha desas dificultades.

Deixar de delegar e asumir esas decisións é clave, dixo, para avanzar en igualdade. A secretaria xeral de Igualdade, que participou no encontro, destacou as axudas do seu departamento e fixo balance do ano pasado. Segundo anunciou, en xuño sairá a convocatoria de axudas deste ano, que ascenderá a 1,8 millóns de euros.