O Leite Río Breogán presentou hoxe de xeito oficial a Dzanan Musa, aleiro bosnio de 2,06 e 22 anos que conta con experiencia en NBA e Euroliga.

Destacou no primeiro amigable do Breo ante o Bilbao Basket, onde anotou 19 puntos, polo que está chamado a ser unha das grandes figuras do conxunto lugués esta temporada.

"Penso que podemos ser un grupo estelar, o máis importante é antepoñer o equipo antes ca ninguén", destacou Dzanan Musa na presentación.