CRTVG

Buscar

Ducias de voos cancelados nos tres aeroportos galegos

Publicado o 16/03/2020 14:42

AEROPORTOS GALICIA



Voos cancelados e moi pouca xente, ese era o panorama que se podía ver á primeira hora da mañá nos tres aeroportos galegos.

Un dos poucos voos que se mantiña operativo en Santiago era o de Frankfurt, e os que chegaban desde alí aseguraban que o avión viña case medio baleiro.

A única ringleira que se puido ver esta mañá na Lavacolla era para embarcar rumbo á cidade alemá. Algúns eran peregrinos aos que o estado de alarma sorprendeu en Santiago.

...e outros, galegos que pasaban aquí uns días de vacacións.

Insólita era tamén a situación desta mañá tanto en Peinador como en Alvedro.

Son ducias de voos os que tamén se cancelaron nos aeroportos de Vigo e da Coruña.

Aena recoñece que o tráfico aéreo se vén reducindo desde hai varias semanas, pero que nestes últimos días caeu drasticamente.

O estado de alarma podería provocar a cancelación de máis da metade dos voos.

Noticias web

16/03/2020