A pandemia mantén en Galicia a mesma tendencia no inicio de semana: menos contaxios pero máis hospitalizados. Nas últimas 24 horas detectáronse 566 positivos. E as persoas infectados xa son menos de 13.500. Pero nos hospitais hai 14 ingresados máis ca onte, dous deles en coidados intensivos.

O Sergas acaba de notificar o falecemento doutras dúas persoas diagnosticadas de covid, co que o número de falecidos elévase a 2.518. En concreto, informouse da morte de dúas mulleres na xornada do día 14, nos dous casos con patoloxías previas, precisan desde Sanidade. Trátase dunha muller de 87 anos, que faleceu en Povisa, e doutra de 86 anos, que morreu no complexo hospitalario universitario de Vigo (CHUVI).