CRTVG

Buscar

Dúas mozas crean unha conta de notificacións en galego e arrasan no Instagram

Publicado o 15/11/2019 16:10

Este ano puxéronse de moda en Instagram as contas sobre notificacións. A maioría delas comparten frases románticas, pero dúas mozas déronlle a volta a iso e crearon o pasado verán Notificacións en galego (@notificacions.galego). Quixemos falar con elas e, aínda que preferiron manter o anonimato, accederon a respoder por audio.

É unha conta que arrasou no Instagram dende o primeiro día. "Todas as contas de notificacións eran en castelán e trataban temas románticos. Nós xa estabamos un pouco fartas, así que un día pensamos que estaría ben que houbese unha conta e galego, que amosase a nosa retranca e que lle dera visibilidade á nosa lingua", explican as súas creadoras.

Estas rapazas cóntannos que se inspiran en vídeos da TVG, de feito, a súa primeira publicación trata sobre unha entrevista da Televisión de Galicia que se fixera viral en que un neno lle respondía á reporteira cando esta lle preguntaba sobre o seu disfrace: "E comprouno, que traballo lle vai dar!". Pero parte da súa inspiración tamén vén das frases que usan entre os seus colegas e incluso aquelas que lles envían os seus involucrados seguidores.

Notificacións en galego ten como obxectivo divertir os usuarios de Intagram, pero tamén "facer que se sintan identificados", explican as creadoras.

 

Envía o teu comentario!
Para poder comentar esta entrada debes estar rexistrado.
Introduce o teu usuario e contrasinal aquí