O primeiro ministro de Italia, Mario Draghi, conseguiu a aprobación do Senado ao seu plan de goberno.

Draghi aposta por reforzar o europeísmo de Italia e impulsar as reformas que precisa o país, segundo dixo nun discurso que gabaron unanimemente os líderes dos partidos.

Déronlle o seu voto favorable 262 senadores fronte a 40 que votaron non e dous que se abstiveron.

Agora quédalle a confirmación hoxe na Cámara de Deputados para completar o procedemento de posta en marcha do novo goberno.