CRTVG

Buscar

Dous mozos morren ao caer ao baleiro en Alacante cado facían un 'selfie'

Publicado o 04/07/2019 14:42

Dous mozos mortos ao precipitarse desde doce metros de altura cando intentaban facerse unha foto co móbil na costa de Alacante. As vítimas son dous cidadáns británicos de entre 23 e 25 anos de idade.

O accidente ocorreu na praia de punta Prima, nas proximidades da localidade alacantina de Orihuela.
Dous mozos, de nacionalidade británica, precipitáronse ao baleiro desde o paseo marítimo que  nesta zona ten unha altura de doce metros.

Os dous mozos, con idades comprendidas entre os 23 e os 25 anos, caeron sobre un posto de socorristas da praia.
Un deles morreu no mesmo lugar do accidente e outro no hospital de Alacante ao que foi trasladado en helicóptero.
Segundo a Garda Civil, o accidente produciuse cando as vítimas intentaban facerse unha foto co móbil.

Envía o teu comentario!
Para poder comentar esta entrada debes estar rexistrado.
Introduce o teu usuario e contrasinal aquí

Noticias web

04/07/2019