CRTVG

Buscar

Doentes de esclerose múltipe piden que se lles recoñeza a incapacidade

Publicado o 30/05/2019 15:10

Doentes de esclerose múltiple saen hoxe á rúa para facer visible a enfermidade, non sempre recoñecible. Piden que se lles conceda automáticamente o 33% de discapacidade en canto se diagnostica, e o acceso a prestacións e recursos que melloren a súa calidade de vida

En España hai 47.000 persoas con esclerose múltiple, e en Galicia, a área con maior incidencia, arredor de 3.000, cinco por cada 100.000 habitantes. Hoxe, dia mundial da enfermidade, os afectados queren dar a coñecer unha doenza cambiante e non sempre visible.

"O que non se ve por exemplo é a fatiga. Temos todos fatiga. Tropezamos moito, perdemos o equilibrio, somos máis lentos", di Isabel Quelle, da Asociación Compostelá de Esclerose Múltiple
"Un día metinme na cama e fixen plans para facer cousas pola mañá. Pero a enfermidade dixo estou aquí, e hoxe non te moves da cama, e ese día estiven ata as cinco da tarde na cama.", explica Julio Louro Peña, tamén da Asociación Compostelá de Esclerose Múltiple.

Aparece normalmente entre os 20 e os 40 anos, e progresiva e dificulta en maior ou menor grao a mobilidade. Os doentes piden recoñecemento e recursos que lles fagan a vida máis doada.

"Aparentemente non estamos mal e entón non se nos recoñece unha incapacidade que nos permita ter as axudas para as cousas que necesitamos. Unha das reinvidicacións é que se nos recoñeza o 33% da incapacidade simplemente co diagnóstico da enfermidade", reclama Isabel Quelle.

Afectados de esclerose múltiple instalaron hoxe mesas informativas nas rúas para explicar seus problemas á sociedade.

Envía o teu comentario!
Para poder comentar esta entrada debes estar rexistrado.
Introduce o teu usuario e contrasinal aquí

Noticias web

30/05/2019