Novak Djokovic cumpríu coas previsións e clasificouse para a final de Wimbledon. Foi o partido máis pelexado do serbio nesta edición do torneo londiniense. Denis Shapovalov a piques estivo de levar o primeiro set. Con 5-4 serviu para gañar, pero Djokovic non lle deu opción. Remontou para vencer en tres sets por 7-6, 7-5 e 7-5. O número 1 do mundo, con cinco tofeos en Wimbledon, vai camiño de empatar con Federer e Nadal no número de Grand Slams. O seu último obstáculo será Matteo Berretini, que se convertiu no primeiro italiano en chegar á final de Wimbledon logo de derrotar ao polaco Hubert Hurkacz en 4 sets.