En Ceuta, a Garda Civil puxo en marcha un dispositivo especial para tratar de localizar os inmigrantes que están agochados na zona do porto e se negan a regresar a Marrocos. A Asociación de Transportistas denunciou a situación porque estas persoas intentan introducirse ilegalmente nalgún camión ou barco que os traslade á Península, co risco que iso supón.

Ceuta vai recuperando a normalidade mentres intentan solucionar a situación dos 800 menores que aínda permanecen na cidade. Hoxe e mañá hai Consello Europeo, e a inmigración ilegal será un dos temas sobre a mesa. España pide un gran pacto.