Nas últimas 24 horas diagnosticáronse 580 contaxios de coronavirus, en comparación cos 390 do mércores. Iso sitúa en 258.855 as persoas que se infectaron pola COVID-19, segundo as últimas cifras notificadas polo Ministerio de Sanidade.

Ata 3.054 persoas iniciaron síntomas de covid-19 nas dúas últimas semanas e 1.023 nos últimos sete días. Respecto ás mortes, o departamento que dirixe Salvador Illa rexistrou nove con covid-19 nos últimos sete días, tres máis que o mércores, que elevaron a cifra total de falecidos desde o inicio da pandemia a 28.416 persoas.

Por outra banda, o informe publicado por Sanidade mostra que 11.726 persoas ingresaron nunha Unidade de Coidados Intensivos (UCI), 17 nos últimos sete días, e 125.881 precisaron hospitalización, 196 na última semana.

Aragón é a rexión con con máis novos casos por covid-19:

Aragón 266

Cataluña 142)

Andalucía 27

Baleares 3

Canarias 11

Cantabria 2

Castela-A Mancha 24

Castela e León 6

Comunidade Valenciana 23,

Estremadura 10

Galicia 5

Madrid 19

Murcia 4

Navarra 22

País Vasco 16

158 brotes activos

Goberno e comunidades autónomas traballan conxuntamente para elaborar un plan cun protocolo xurídico homoxéneo que permita conter futuros brotes en todo o territorio nacional. Cincocentos oitenta contaxios nas últimas 24 horas constitúen o peor dato desde o pasado 10 de maio. Pero con menos hospitalizacións e ingresos nas UCI.

Cataluña segue sendo un dos focos dos brotes con máis de 1200 novos casos nas últimas 24 horas. Lleida, a comarca do Segrià e Hospitalet preocupan pola transmisión comunitaria. En Barcelona tamén suman máis infectados. O concello estima a posibilidade de reducir a actividade social pero desbota outro confinamento.

O segundo foco de brotes importantes é Aragón, como o relacionado co asentamento ilegal de Albalate de Cinca onde residían traballadores temporais. Hai 28 positivos que pasan a corentena no pavillón deportivo vixiado polo exército, que acudiu para axudar coa loxística en resposta á chamada do alcalde.

Zaragoza e a súa contorna seguen na fase 2 flexibilizada, á que se incorpora a cidade oscense de Barbastro, con 21 novos contaxios. O Goberno fai un chamamento á cidadanía.

Tamén en Aragón, as autoridades sanitarias ordenan exterminar 92.000 visóns infectados pola COVID-19 nunha granxa de Teruel.

En Guipúscoa, as probas PCR confirmaron un terceiro positivo por coronavirus entre os usuarios dun cámping de Zarautz pechado desde este mércores.