A edil de Democracia Ourensana Ana Isabel Rebanales presentou a renuncia ao seu cargo e a súa acta como concelleira. Así o transmitiron hoxe dende o concello a través dun comunicado no que apuntan que o seu abandono se debe a "discrepancias internas de organización relacionadas coas áreas que lle foran asignadas", as de Comercio e Seguridade Cidadá.

Esta é a segunda dimisión que se produce no partido de Gonzalo Pérez Jácome dende que é alcalde de Ourense tras a marcha de Ana Isabel Bertólez por motivos persoais.