Isabel Díaz Ayuso expuxo o seu programa de goberno ante a Asemblea de Madrid, que mañá vota a súa investidura.

A presidenta electa reducirá o Goberno autonómico de 13 a 9 consellerías, e eliminará a vicepresidencia. Tamén anunciou para outono a maior rebaixa fiscal da historia da comunidade.

Entre os principais obxectivos do seu mandato, Díaz Ayuso sinalou o coidado da natureza e o fomento da natalidade, para o que presentou varias medidas inmediatas, como un cheque bebé.