Detectado un gromo de covid-19 na residencia de maiores Val de Monterrei. O número de positivos ascende xa a dezaoito, todos eles sen síntomas. Todos os residentes estaban vacinados coa dobre pauta. As primeiras hipóteses apuntan a que puideron contaxiarse no hospital de Verín, que restrinxiu as visitas aos pacientes ingresados tras un novo gromo.

Segundo informaron este xoves as consellerías de Sanidade e Política Social, en Galicia hai 46 casos de covid entre usuarios, concentrados en 10 residencias de maiores. En canto ás residencias de discapacidade, hai 32 usuarios contaxiados, concentrados en dous centros en Vigo e Sarria.