Deixou pegada na historia da música galega. María Dolores Casanova González, máis coñecida como Ana Kiro, foi unha das cantantes máis escoitadas nos fogares da nosa comunidade. Pero tamén chegou ao resto do mundo.

Agasallounos con éxitos como 'Pídechas o corpo' ou 'Vivir na Coruña', entre outros, pero subir a un escenario non fixo que perdese nunca a súa naturalidade.

Hoxe fai dez anos do seu pasamento, pero Ana segue a ser todo un referente en Galicia.