Despois dunha semana de análises en busca de probas, os restos de Déborah Fernández eran devoltos está mañá ao cemiterio de Pereiró onde a familia celebrou un acto privado co que esperan poñer fin a 19 anos de incerteza. 

O pasado día 18, o corpo de Déborah foi exhumado para que os forenses e antropólogos puideran recoller mostras que permitan identificar un responsable. Tanto a familia como os investigadores confían neste proceso para esclarecer todos os erros que consideran que se produciron naquel momento. Ademais dos restos mortais, recuperouse tamén a súa axenda e unha empresa informática traballa para rescatar datos que puideran ser borrados do disco duro do seu ordenador. 

A familia terá que esperar entre 2 e 6 meses para coñecer os resultados desta nova investigación pero agardan que con todo isto poidan esclarecer o que lle ocorreu a Déborah ese 30 de abril de 2002 e por fin se faga xustiza.