A forte chuvia e inundacións desta fin de semana no estado de Tennesee, no sur dos Estados Unidos, causaron polo menos 16 mortos e medio cento de desaparecidos.

Os maiores estragos concentráronse na localidade de Waverly, de algo mais de 4.000 habitantes a uns 100 quilómetros de Nashville. Moitos dos seus veciños quedaron sen subministración eléctrica. O Servizo Meteorolóxico Nacional informou que a área sufriu as maiores chuvias nos últimos 40 anos.

A Garda Nacional acelerou os traballos de rescate para intentar localizar os desaparecidos.