A Garda Civil detivo en Ames un home como presunto autor de varios delitos de explotación sexual de menores e contra a intimidade. Segundo os investigadores, o home realizaba fotos íntimas á filla menor da súa parella sen o seu consentimento. Ademais  instalou un programa no seu ordenador para poder acceder a datos privados da rapaza e espiar as videochamadas que facía coas súas amigas. O home activaba a cámara do seu ordenador cando se decataba de que a menor se estaba mudando de roupa. Os axentes tamén atoparon videos que contiñan imaxes do detido mantendo relacións con outras parellas anteriores, sempre obtidas sen o consentimento das mulleres.