CRTVG

Buscar

Detido en Galdakao tras matar a parella da súa nai

Publicado o 07/06/2019 16:31

A Ertzaintza detivo un home acusado de matar a parella sentimental da súa nai e de ferir a esta de gravidade. Sucedeu na localidade biscaíña de Galdakao e todo indica que  a agresión mortal se orixinou de madrugada tras unha forte discusión.

A primeira hora da mañá, o detido era trasladado por axentes da Ertzaintza ata o domiclio en que se produciu a agresión. 

Segundo as primeiras investigacións, o agresor, de 33 anos, mantivera de madrugada unha forte discusión coa parella da súa nai, de 51, a quen atacou cunha arma branca. 

A muller tratou de mediar entre ambos os dous, pero foi agredida tamén polo seu fillo.

Cando a Policía chegou ao domicilio, na localidade biscaíña de Galdakao, o home agredido estaba morto polas feridas graves que sufrira. 

A muller quedou tamén ferida de gravidade e foi trasladada ata un hospital para ser operada de urxencia. O detido vivía coa nai e agora trátase de aclarar que foi o que motivou a discusión que derivou na agresión mortal.

 

 

 

Envía o teu comentario!
Para poder comentar esta entrada debes estar rexistrado.
Introduce o teu usuario e contrasinal aquí

Noticias web

07/06/2019