A Garda Civil detivo tres veciños de Brión e un de Ponteceso como presuntos autores de 30 delitos de roubo con forza e outro máis contra a saúde pública.

As detencións tiveron lugar no marco da operación Popcorn, que xa esclareceu roubos con forza nos concellos de Brión, Ames, Santiago, Teo, Negreira, Padrón e A Pobra do Caramiñal.

A Garda Civil mantén a operación aberta á procura dos donos de todos os efectos roubados que foron recuperados. O Xulgado de Instrución de Negreira decretou o ingreso en prisión de dous dos detidos.