CRTVG

Buscar

Deteñen un home en Oleiros acusado de instalar un programa espía e facer unha transferencia de 15.000 euros

Publicado o 27/01/2021 14:26
Deteñen un home en Oleiros acusado de instalar un programa espía e facer unha transferencia de 15.000 euros

Un detido por calote informático en Oleiros. Instalou un programa espía e fixo unha transferencia de 15.000 euros.

A Garda Civil detivo unha persoa por un delito de intrusión informática e outro de calote. O detido, mediante o uso dun programa maligno espía instalado no computador dunha empresa de Oleiros, conseguiu capturar os datos de acceso á banca en liña e executar unha transferencia de 15.000 euros a outra conta bancaria.

Coa rápida intervención dos empregados e dos investigadores conseguiuse bloquear a transferencia e identificar o autor a través do seu rastro dixital. Contaron co apoio da Garda Civil de Madrid, que detivo un súbdito brasileiro residente na capital.

Agora o caso lévao o Xulgado de Instrución nº 7 da Coruña.

Noticias web

27/01/2021