A Policía Nacional detivo o ladrón de varias botellas de alcol dun pub da cidade de Ourense. O dono do local da zona centro alertara as forzas de seguridade da desaparición ao longo de varios días de numerosas botellas. Ao parecer o detido escalaba cada pouco o valado que hai na parte posterior do local para acceder ao interior e roubar a mercadoría. O dono valora o subtraído en 1.500 euros. Ao detido cónstanlle numerosos antecedentes penais, de feito foi detido anteriormente en 41 ocasións por delitos semellantes.