Os dous líderes de Resistencia Galega detidos este sábado en Vigo declarar este martes na Audiencia Nacional, o tribunal encargado dos delitos de terrorismo.

Antón García Matogueiras, alias Toninho, e Asunción Losada Camba foron trasladados hoxe a Madrid, ás dependencias centrais da Garda Civil, onde permanecerán á espera de pasar a disposición xudicial.

No seu historial acumulan ata nove acusacións, entre elas a de pertenza a banda armada coa consideración de dirixentes, transporte de explosivos, tenencia de armas e tamén falsidade documental.Toninho e Asunción Losada Camba estaban fuxidos desde o ano 2006.

Anton García Matos, alias Toninho, e Asunción Losada Camba puideron pasar en Portugal parte dos 13 anos que permaneceron fuxidos da Xustiza. Buscábanos desde 2006, e non había noticias do seu paradoiro desde que, en 2014, García Matos publicou un vídeo avogando pola continuidade da loita armada.

Considerado o máximo dirixente de Resistencia Galega, os efectivos da loita antiterrorista cualifícano como un experto en fabricación e manexo de explosivos, e de aí a importancia da súa detención.

Ademais del e María Asunción Losada, foi apreixado tamén en Vigo un home que os acompañaba, e a operación completouse na localidade ourensá de Oxén co arresto doutro suposto colaborador.

A falta de apresar os supostos dirixentes, as forzas de seguridade xa deran por desartellados todos os comandos de Resistencia Galega, en 2017, despois de practicar un total de 40 detencións. A organización, considerada herdeira do Exército Guerrilleiro, naceu en 2005 e atribúenselle uns 60 actos violentos sen vítimas mortais.