A operación contra o tráfico de drogas desenvolvida nas últimas horas no norte da provincia da Coruña deixa 23 detidos en Ferrol e Narón. Os axentes desenvolveron rexistros en poboados, chalés e negocios da zona.

Dos detidos, un total de 19 pasaron xa a disposición xudicial, mentres que os catro restantes quedaron en liberdade á espera da decisión da xuíza que instrúe o caso. Esta macrorredada é consecuencia da desenvolvida hai uns días en Cambados e da que hai uns meses se producía nun campamento de Ferrol.