A Garda Civil desmantelou un grupo organizado dedicado a copiar nos exames para a obtención do permiso de conducir. Utilizaban receptores e cámaras de alta tecnoloxía. Os investigadores cacharon unha muller que intentaba copiar nun exame para lograr o permiso de conducir no centro de exames de Madrid, localizado en Móstoles.

O grupo cobraba 1.000 euros por exame, ao que accedía con cámaras e receptores de alta tecnoloxía. Ofrecían o servizo de transporte e tecnoloxía para copiar nas probas e poder aprobar, e unha terceira muller agardaba a súa quenda para entrar a examinarse.

Os axentes requisaron catro equipos completos preparados con dispositivos electrónicos, con teléfonos móbiles, cámaras de vídeo, bluetooh e receptores de audio ademais de dous ordenadores portátiles e unha tableta. A muller sorprendida copiando levaba unha chaqueta con dispositivos ocultos conectados cun teléfono móbil cunha cámara inserida na parte frontal da roupa para transmitir en liña o exame, e que orientada ao ordenador do centro de probas en que aparecen as preguntas, permitía visualizar as imaxes noutro ordenador situado nun vehículo no exterior.

O grupo estaba no coche e desde alí transmitíanlle as respostas correctas á muller que estaba na aula tras consultar noutros ordenadores.