Descende a ocupación hospitalaria nunha xornada sen falecidos por covid−19
• Os contaxios aumentan con respecto á xornada anterior
Os casos activos experimentan un lixeiro ascenso hoxe. Hai 432 persoas con coronavirus en Galicia, unha máis ca o día anterior.
Pola súa parte, tamén aumentan os contaxios. Foron detectados 23 novos casos por probas diagnósticas.
Por áreas sanitarias, a repartición de casos activos é a seguinte:
Vigo: 77 (-2)
A Coruña: 140 (=)
Pontevedra: 36 (+3)
Santiago: 70 (+1)
Ourense: 49 (-3)
Lugo: 45 (+1)
Ferrol: 15 (+1)
A ocupación hospitalaria, pola contra, descende. Hai nove persoas en coidados intensivos, as mesmas que na xornada anterior, e 25 en planta, dúas menos. Con todo, o Sergas non notificou falecementos a causa do coronavirus; daquela, o número de vítimas mantense en 2.648 desde o inicio da pandemia.