Operación policial de Garda Civil, Policía Nacional e a Europol contra a falsificación de billetes de 500 euros. A rede operaba por todo o territorio español, e a grande escala.

Hai 37 detidos que están acusados de pertenza a organización criminal, falsificación de moeda, falsidade documental, estafa, branqueo de capitais e delitos contra a saúde pública.

As imaxes da operación son bastante espectaculares, non tanto pola acción como polo que se ve que interviñeron nos rexistros.

Practicaron 16 rexistros en que atoparon máis de douscentos mil euros falsos, anabolizantes, armas simuladas e armas reais, trinta e dous mil euros en cartos en efectivo e ata un moedeiro electrónico de alta seguridade con 12.000 euros en bitcoin no seu interior.

A investigación durou un ano, e o resutado ata agora é a detención de 37 persoas en Cataluña, na Comunidade Valenciana e en Andalucía.