CRTVG

Buscar

Desaloxan 35 vivendas en Salceda de Caselas por unha fuga de gas

Publicado o 17/07/2020 10:24

Unha fuga de gas obrigou a desaloxar un total de 35 vivendas en Salceda de Caselas, en Pontevedra. Os servizos de emerxencias puideron localizar a avaría e reparala sen que ningunha persona fose afectada.

Os feitos ocorreron na rúa Vigo pasadas as nove da noite do xoves, cando o 112 Galicia, segundo informa, recibiu varias chamadas dos ocupantes das casas alarmados por un "forte cheiro a gas". 

Despois disto, o servizo de emerxencia advertiu aos bombeiros de Baixo Miño, aos voluntarios de Protección Civil do municipio e á Garda Civil. 

Ademais, o 112 Galicia solicitou a intervención dos técnicos da empresa subministradora, que foron os encargados de arranxar a avaría que ocasionara a perda de gas. Unha vez restablecidas as condicións de seguridade, as persoas puideron volver ás súas casas. 

A parte da evacuación destes 35 inmobles, outros veciños da zona tiveron que quedar confinados nas súas vivendas ata que terminaron os traballos de reparación.

Unha ambulancia desprazouse ata o lugar, pero por sorte ninguén resultou intoxicado e todo quedou nun susto.

A fuga quedou reparada antes da media noite e todos os veciños puideron regresar ás súas casas.