CRTVG

Buscar

Desaconsellan o baño na praia do Portiño, na Coruña, por contaminación

Publicado o 22/08/2019 14:33

Con este cartel as autoridades informan os bañistas de que no último control rutinario nesta praia do Portiño detectaron unha contaminación temporal na auga e recoméndanlles non zambullirse. Porén moitos fan caso omiso. "Eu non coñezo a ninguén que enfermera pola contaminación desta auga e isto xa vén de vello. Eu mesmo voume bañar", asegura un usuario.

Amáis, nesta zona os mariscadores andan á procura de percebes, polbos e nécoras. "Non deberían vir, pero eles veñen igual", explican na praia.

Din que un cartel non é suficiente para informar do estado en que están estas augas. "Por poñer ese papel... Aquí si vemos que fan análises, pero despois ninguén non informa de nada", comentan.

A do Portiño non é a única praia da Coruña que sofre este problema. A finais de xullo, neste areal de San Amaro tamén se desaconsellou o baño. Días despois as análises xa revelaban que as augas volvían ser aptas.


 

Envía o teu comentario!
Para poder comentar esta entrada debes estar rexistrado.
Introduce o teu usuario e contrasinal aquí

Noticias web

22/08/2019