CRTVG

Buscar

Derruban o soportal da capela de San Miguel na Arnoia

Publicado o 27/05/2019 14:18

Este é o estado en que quedou o soportal da capela de San Miguel, situada no monte, no concello ourensán da Arnoia. Apareceu así totalmente derrubado, e o que sospeitan é que puido tiralo un camioneiro que estaba a recoller leña pola zona.

O feito sorprendeu os veciños e tamén o párroco, que xa puxo denuncia na Garda Civil.
Nesta capela celebran cada 8 de maio unha romaría con moita tradición na zona. O veciños lamentan que o condutor que supostamente provocou os estragos marchase sen dar conta do que ocorreu.

O soportal, con piares de pedra e teito de madeira, quedou totalmente derrubado e aseguran que os danos son cuantiosos. A Garda Civil estivo inspeccionando o lugar, onde se ven as rodeiras dun vehículo e tamén algunha peza rota tras o golpe.

Envía o teu comentario!
Para poder comentar esta entrada debes estar rexistrado.
Introduce o teu usuario e contrasinal aquí

Noticias web

27/05/2019