Deportivo Liceo 2 Benfica 7
Rematou de xeito abrupto a aventura do Deportivo Liceo neste formato exprés da Euroliga. Os coruñeses caeron por goleada diante do Benfica no segundo partido do grupo. Un contundente dous a sete final que reflicte o acontecido nun encontro no que o conxunto portugués foi superior. Ao descanso xa gañaba por un a catro e na segunda metade nunca deu a sensación de que o Liceo puidese remontar. Diogo Rafael, autor de tres goles, foi o máis destacado dun choque que pon punto e final á aventura europea do equipo coruñés esta temporada.