CRTVG

Buscar

Denunciado un condutor por cegar un camioneiro cun láser

Publicado o 24/11/2020 13:04

Ata 30.000 euros de multa podería ter que chegar a pagar o condutor dunha furgoneta que cegou cun punteiro láser un camioneiro.

O incidente ocorreu en Lleida, nun treito da autoestrada de peaxe que une a cidade catalá co Mediterráneo, cando o camioneiro intentaba adiantar a furgoneta, pertencente a unha empresa de envíos urxentes.

As imaxes gravadas polo camioneiro permitiron identificar o vehículo e o seu condutor, que foi denunciado por infracción moi grave da Lei de protección da seguridade cidadá.

Noticias web

24/11/2020