Un incendio declarouse este luns á noite nunha vivenda da Avenida de Lugo, en Santiago de Compostela. Ao lugar desprazáronse os bombeiros da capital galega, varias ambulancias e axentes da Policía Local.

Tres persoas foron hospitalizadas por intoxicación como consecuencia do incendio. Son un matrimonio e o seu fillo, atendidos por inhalaren fume. O suceso deixou numerosos danos materiais. Investígase a orixe do lume, que arrasou co salón deste piso, no quinto andar dun inmoble, e afectou tamén a outros cuartos.