CRTVG

Buscar

A morte de dúas residentes de Outeiro de Rei eleva a 729 as persoas falecidas por coronavirus en Galicia

Publicado o 26/09/2020 22:50

• En menos dunha semana pasan de catro a máis de 50 os positivos detectados na empresa Avigal, en Cambados | Unha ducia de concellos galegos están afectados polas restricións | 51 aulas de educación pechadas en Galicia

O Sergas informa na tarde do sábado do falecemeto de dúas mulleres con coronavirus, de 92 e 85 anos respectivamente, que estaban ingresadas no Hospital Lucus Augusti. As dúas presentaban patoloxías previas e eran residentes do centro de maiores de Outeiro de Rei. O número de casos activos de coronavirus en Galicia este sábado ascende a 4.449 persoas e que o número de pacientes curados é de 18.071 individuos.

Por áreas sanitarias, os casos activos corresponden a:

· A Coruña: 1.077 (-32)

· Pontevedra: 810 (+26)

· Ourense: 689 (+21)

· Lugo: 642 (+12)

· Santiago, 555 (-23)

· Vigo: 512 (+1)

· Ferrol: 164 (-8)

Do total de pacientes positivos, 35 están na UCI, 201 en unidades de hospitalización e 4.213 no seu domicilio. Polo de agora, en Galicia rexistráronse 729 falecementos por coronavirus e o número de PCR realizadas é de 459.234 probas.

Respecto os casos rexistrados en centros residenciais, hai 340 usuarios e 134 profesionais afectados. En canto o número de positivos en escolas infantís e centros educativos, son 259 o número de positivos, con 51 aulas pechadas, pero ningún centro pechado na comunidade galega.

David Silva regresou á Liga demostrando a súa calidade
Fuenlabrada 1 - 0 Albacete