Os Dark Patterns (literalmente, patróns escuros) son deseños aplicados na navegación web ou nas aplicacións para inducirnos a facer algo ou persuadirnos de todo o contrario.

A través de arrevesados trucos, as páxinas e as apps conseguen que cedamos máis datos dos necesarios ou que merquemos produtos e servizos que non queremos.

Hoxe falamos dos 'dark patterns', eses deseños arrevesados que usan as webs para enganar o noso cerebro e inducirnos a facer cousas que non queremos

Preme aquí para probar este pequeno xogo ateigado de trampas. A ver se o fas en #MenosDunMinuto https://t.co/pcwMwyZoJ9 pic.twitter.com/9e1OWe6wGb

— G24 (@G24Noticias) June 13, 2021

Hai ducias de exemplos que van dende sinxelamente agochar o botón para pechar un anuncio até incorporar no cesto da merca online un seguro que non pediramos. O fenómeno está tan expandido que xa existen plataformas dedicadas a identificalos e denuncialos como prácticas pouco éticas.

No G24 deseñamos un pequeno xogo en que recreamos algúns dos trucos destes deseños. O obxectivo é sinxelo: merca a camiseta da TVG sen gastar máis de 10 euros e sen ceder datos innecesarios. Ollo, está ateigado de trampas! Non é apto para persoas con pouca paciencia!

Recoméndase xogar en móbil e ampliar a pantalla antes de empezar (botón inferior á dereita).