CRTVG

Buscar

Cobren menos da metade das autocitas que ofertou o Sergas para vacinar mozos de 12 a 19

Publicado o 30/08/2021 08:33

Cubríronse menos da metade das autocitas ofertadas pola Xunta de Galicia para a vacinación dos mozos de entre 12 e 19 anos. Concretamente, dos 25.000 ocos que saíron o venres ás 15:00 horas, só se reservaron, ata as 20:00 horas do domingo, 12.000.

A vacinación mediante autocitas para esta franxa de idade comeza este luns e estenderase ata o martes, para o que o venres o departamento da Xunta puxo á disposición dos mozos 25.000 ocos que se podían solicitar ata as 00:00 horas do domingo. Con todo, Sanidade decidiu alongar este prazo e permitir a reserva durante todo o domingo. E é que pese ao éxito das autocitas en ocasións anteriores -cando mesmo chegou a colapsar o sistema polo aluvión de solicitudes recibidas-, nesta ocasión, a afluencia non foi tan masiva. A pesar desta prórroga, tan só 2.000 mozos solicitaron vez para a vacina este domingo -as outras 10.000 quedaron reservadas xa este pasado sábado-.

Os maiores de 20 anos tamén contarán coa opción da autocita o vindeiro venres 3 de setembro, con 30.000 ocos que se poderán solicitar ata 48 horas antes.  

Noticias web

30/08/2021