Nesta residencia de Sarria, 47 dos seus 90 usuarios están infectados por coronavirus, e canda eles tres traballadores.

No centro acababan de administrar a primeira dose da vacina hai dúas semanas.

Logo de que dúas persoas presentasen síntomas compatibles coa covid−19 decidiuse facer máis probas.

Os resultados confirmaron que o gromo era máis amplo do esperado.

Os afectados non están graves, só un dos residentes foi trasladado ao hospital de Lugo.

É o primeiro gromo que se detecta nesta residencia desde que se declarou a pandemia.

O resto de usuarios están illados en dúas plantas, sen contacto co resto de persoas que viven ou traballan no centro, para evitar que haxa novos contaxios.