Ao longo da tarde quedaron extinguidos os tres incendios declarados na provincia de Ourense. O maior, na parroquia de Santigoso, no Barco de Valdeorras, queimou 121 hectáreas, segundo datos provisionais. Comezou en dúas frontes no serán de onte. Medio Rural cre que foi intencionado.

O enésimo incendio que sofre Calvos de Randín entrou de madrugada desde Portugal. Arrasou 7 hectáreas de bosque no Parque Natural do Xurés. Outro incendio en Chandrexa de Queixa queimou 70 hectáreas de monte raso.