EFE

O incendio forestal de Prado, en Vilar de Barrio (Ourense), quedou controlado ás 18:46 horas da tarde deste luns e orixinouse outro, ás 16:26, no núcleo de Leroño, pertencente ao municipio coruñés de Rois.

No primeiro caso, informa Medio Rural nun comunicado, as lapas, orixinadas ás 22:35 h do domingo, queimaron 27 hectáreas, principalmente arborizadas. No seu control traballaron ata o de agora seis axentes, 24 brigadas, oito motobombas, dúas pas e tres helicópteros. Este lume obrigou a cortar a vía férrea Zamora-Ourense á altura do quilómetro 195 polo fume acumulado, pero a circulación quedou restablecida esta mañá.

No caso de Rois, son 20 as hectáreas devastadas e nas tarefas de apagado toman parte dous técnicos, seis axentes, 13 brigadas, sete motobombas, dúas pas, nove avións e seis helicópteros.