No aeroporto Rosalía de Castro de Santiago os paneis avisaban dende primeira hora da cancelación do enlace con Madrid.

Algúns pasaxeiros optaron por buscar rutas alternativas.

A situación repetiuse no aeroporto de Vigo, onde pola mañá tampouco operou a conexión con Madrid entre as queixas dalgúns viaxeiros.

As cancelacións continuaron efectuándose ao longo da tarde, logo de seren anuladas unha saída e unha chegada desde Madrid a Santiago.

Entre os afectados, sobre todo, estudantes e traballadores.

Tamén houbo atrasos no enlace entre Madrid e A Coruña, que finalmente puido operar. AENA pide aos viaxeiros que confirmen os seus voos coas aeroliñas antes de dirixirse ao aeroporto.